കോമളം പാലം പുനർനിർമ്മിക്കും

 വെള്ളപ്പൊക്കത്തിൽ തകർന്ന മണിമലയാറ്റിലെ കോമളം പാലം അപ്രോച്ച് റോഡോടു കൂടി പുനർനിർമ്മിക്കുമെന്ന് മന്ത്രി പി എ മുഹമ്മദ് റിയാസ് നിയമസഭയിൽ പറഞ്ഞു. 

കോമളം പാലത്തിനും അപ്രോച്ച് റോഡിനുമുണ്ടായ നാശനഷ്ടം സംബന്ധിച്ച് ചീഫ് എൻജിനിയർ വിശദമായ റിപ്പോർട്ട് സമർപ്പിച്ചിട്ടുണ്ട്. മ​ണി​മ​ല​യാ​റി​നു കു​റു​കെ നി​ല​വി​ലു​ള്ള പാ​ല​ത്തി​ന്‍റെ അ​പ്രോ​ച്ച് റോ​ഡ് ക​ഴി​ഞ്ഞ ഒ​ക്ടോ​ബ​ർ 17 നു​ണ്ടാ​യ പ്ര​ള​യ​ക്കെ​ടു​തി​യി​ൽ ഒ​ലി​ച്ചു പോ​യി​രു​ന്നു. തു​രു​ത്തി​ക്കാ​ട് ക​ര​യി​ലെ അ​പ്രോ​ച്ച് റോ​ഡാ​ണ് ന​ഷ്ട​പ്പെ​ട്ട​ത്. ഇ​തോ​ടെ പാ​ലം ഉ​പ​യോ​ഗ​ശൂ​ന്യ​മാ​യി.

1987 നി​ർ​മി​ച്ച​ പാ​ല​ത്തി​ന​ട​യി​ൽ കൂ​ടി വെ​ള്ളം ഒ​ഴു​കി​പ്പോ​കാ​ൻ സ്പാ​നു​ക​ൾ ത​മ്മി​ലു​ള്ള അ​ക​ലം അ​ഞ്ച് മീ​റ്റ​ർ മാ​ത്ര​മാ​ണ്. അതുമൂലം മുളങ്കൂട്ടങ്ങളും കൂറ്റൻ തടികളും പാലത്തിൽ തട്ടിനിന്ന് വെന്റ് വേ പൂർണമായും അടഞ്ഞു. അതോടെ വെള്ളം ഗതിമാറി അപ്രോച്ച് റോഡ് ഭാഗത്തു കൂടി ഒഴുകി അപ്രോച്ച് റോഡ് തകർന്നു. പാലത്തിന്റെ പിയറുകളിൽ പയിടത്തും തടികൾ വന്നിടിച്ച് കോൺക്രീറ്റ് ഇളകിപ്പോയിട്ടുണ്ട്. 

വ​രും​കാ​ല​ങ്ങ​ളി​ലും ഇ​ത്ത​രം സം​ഭ​വ​ങ്ങ​ൾ ഉ​ണ്ടാ​കാ​നു​ള്ള സാ​ധ്യ​ത ക​ണ​ക്കി​ലെ​ടു​ത്ത് വെ​ള്ള​മൊ​ഴു​ക്ക് സു​ഗ​മ​മാ​ക്കു​ന്ന ത​ര​ത്തി​ൽ പാ​ല​വും അ​പ്രോ​ച്ച് റോ​ഡും വേ​ണ​മെ​ന്നാ​ണ് ചീ​ഫ് എ​ൻ​ജി​നീ​യ​റു​ടെ ശി​പാ​ർ​ശ. ഇതിനായി പരിശോധന നടത്താൻ തീരുമാനിച്ചിട്ടുണ്ട്. മാത്യു ടി തോമസിന്റെ സബ്മിഷന് മറുപടി നൽകുകയായിരുന്നു മന്ത്രി.