കോട്ടാങ്ങൽ മഹാഭദ്രകാളിക്ഷേത്രത്തിലെ 28 പടയണിക്ക്‌ ബുധനാഴ്ച ചൂട്ടുവെയ്ക്കും. കുളത്തൂർ കരയിൽ താഴത്തുവീട്ടിൽ കൊട്ടാരത്തിൽ മൂത്തോമുറി കൃഷ്ണപിള്ളയും കോട്ടാങ്ങൽ കരയിൽ പുളിക്കൽ കൊട്ടാരത്തിൽ സുരേഷ് കുമാറും ആണ്‌ ചൂട്ടുവെയ്ക്കുന്നത്.
കരക്കാരെ സാക്ഷിയാക്കി ഏവരുടെയും അനുവാദംതേടി പടയണിക്ക്‌ ശുഭാരംഭം കുറിക്കും. തുടർന്ന് കുട്ടികൾക്കും മുതിർന്നവർക്കും പടയണിയുടെയും വേലകളിയുടെയും പരിശീലനത്തിരക്കാവും.
ജനുവരി 31-ന് എട്ട്‌ പടയണിക്ക്‌ ക്ഷേത്രത്തിൽ ചൂട്ടുവയ്ക്കും.
ഫെബ്രുവരി ഒന്നിനാണ് ചൂട്ടുവലത്ത്. ഫെബ്രുവരി രണ്ട്, മൂന്ന് തീയതികളിൽ ഗണപതിക്കോലവും നാലിനും അഞ്ചിനും അടവിയും നടക്കും. ഫെബ്രുവരി ആറ്, ഏഴ് തീയതികളിൽ വലിയ പടയണി നടക്കും. അന്നത്തെ വേലയും വിളക്കും ക്ഷേത്രത്തിലെ സുപ്രധാന ചടങ്ങാണ്.
അതേദിവസങ്ങളിൽ തിരുമുഖം ചാർത്തി ദർശനമെന്ന പ്രത്യേകതയുമുണ്ട്. തുടർന്ന് മകരഭരണി നാളിൽ ഇരുകരക്കാരും പുലവൃത്തം തുള്ളി പിരിയുന്നത്തോടെ പടയണി പൂർണമാകും.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 