യുവതിയെ കടന്നു പിടിച്ചു: തിരുവല്ലയിൽ യുവാവ് അറസ്റ്റിൽ

 യുവതിയെ കടന്നു പിടിക്കുകയും നഗ്നതാ പ്രദർശനം നടത്തുകയും ചെയ്ത യുവാവിനെ പൊലീസ് അറസ്റ്റ് ചെയ്തു. പെരുന്തുരുത്തി നടുവിലേത്തറ അരുൺ (24) ആണ് പിടിയിലായത്. 

പെരുന്തുരുത്തി ജംക്‌ഷന് സമീപമാണ് കേസിന് ആസ്പദമായ സംഭവം നടന്നത്. ജോലി കഴിഞ്ഞ് മടങ്ങുകയായിരുന്ന യുവതിക്ക് നേരെ അരുൺ നഗ്നത പ്രദർശിപ്പിക്കുകയും തുടർന്ന് കടന്നു പിടിക്കുകയുമായിരുന്നു. 

യുവതിയുടെ പരാതിയിൽ പ്രതിയെ പെരുന്തുരുത്തിയിൽ നിന്നു പിടികൂടി. തിരുവല്ല കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. അരുൺ സമാനമായ ഒട്ടേറെ കേസുകളിൽ പ്രതിയാണെന്ന് പൊലീസ് പറഞ്ഞു.