തിരുവല്ല നഗരമധ്യത്തിൽ വൻ തീപിടുത്തം

തിരുവല്ല നഗരമധ്യത്തിൽ വൻ തീ പിടുത്തം. കെ.എസ്.ആർ.ടി.സിയ്ക്കു സമീപത്തെ കെട്ടിടത്തിലാണ് ശനിയാഴ്ച രാത്രി 10 ഓടെ തീ പടർന്നു പിടിച്ചത്. 

തിരുവല്ല നഗരമധ്യത്തിൽ കെ.എസ്.ആർ.ടി.സി ബസ് സ്റ്റാൻഡിനു സമീപത്ത് പിസാ ഹട്ടും, രാഗം ടെക്സ്റ്റെൽസും പ്രവർത്തിക്കുന്ന കെട്ടിടത്തിനു പിന്നിൽ തീ ആളിപ്പടരുന്നത് കണ്ട നാട്ടുകാരാണ് വിവരം അഗ്നിരക്ഷാ സേനയിൽ അറിയിച്ചത്.

തിരുവല്ലയിൽ നിന്ന് രണ്ട് യൂണിറ്റ് അഗ്നിരക്ഷാ സേന സ്ഥലത്ത് എത്തി രക്ഷാ പ്രവർത്തനം ആരംഭിച്ചത്. തുടർന്ന് ചെങ്ങന്നൂർ ചങ്ങനാശേരി അഗ്നിരക്ഷാ സേനാ യൂണിറ്റുകളിൽ നിന്നും കുടി ആറു യൂണിറ്റ് വാഹനങ്ങൾ സ്ഥലത്ത് എത്തിയാണ് തീ നിയന്ത്രണ വിധേയമാക്കാൻ സാധിച്ചത്. രക്ഷാപ്രവർത്തനം ഇപ്പോഴും പുരോഗമിക്കുകയാണ്.

രക്ഷാ പ്രവർത്തനത്തിതിനിടെ വീണ് തിരുവല്ല യൂണിറ്റിലെ ഫയർമാൻ അഭിലാഷിന് പരിക്കേറ്റു.