വൃന്ദാവനത്തിന് സമീപം ഓട്ടോറിക്ഷയും സ്കൂട്ടറും കൂട്ടിയിടിച്ച് യുവതി മരിച്ചു. ഭർത്താവിനെ പരിക്കുകളോടെ റാന്നി താലൂക്ക് ആശുപത്രിയിൽ പ്രവേശിപ്പിച്ചു. കുമ്പഴ വടക്കുപുറം കണച്ചേരികുഴിയിൽ അജുവിന്റെ ഭാര്യ എഴുമറ്റൂർ മലയൻകീഴ് കുടുംബാംഗം കെ.എസ്.ചിഞ്ജുമോൾ(30) ആണ് മരിച്ചത്.
ശനിയാഴ്ച വൈകീട്ട് 6.20ന് ചെറുകോൽപുഴ പൂവനക്കാവ് റോഡിൽ വൃന്ദാവനം എസ്.എൻ.ഡി.പി. ജംഗ്ഷനും അരയുഴം പള്ളിക്കുമിടയിൽ സമീപമായിരുന്നു അപകടം.
അജുവിനെ ആദ്യം റാന്നി താലൂക്ക് ആശുപത്രിയിൽ എത്തിച്ചെക്കിലും തുടർന്ന് കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റി.