എഴുമറ്റൂർ സാമൂഹികാരോഗ്യകേന്ദ്രത്തിന് 6.46 കോടി രൂപയുടെ പ്രവൃത്തി ടെൻഡറായി. പൊതുമരാമത്ത് വകുപ്പ് തിരുവനന്തപുരം സുപ്രണ്ടിങ് എൻജിനീയർ ഓഫീസിൽ ഏപ്രിൽ 26 വൈകീട്ട് അഞ്ചുവരെ ഇതിനായുള്ള രേഖകൾ സ്വീകരിക്കും. ലഭിച്ചവ 29 രാവിലെ 11-ന് തുറന്ന് പരിശോധിച്ച് കരാറുകാരനെ നിർണയിക്കുന്നതിനുള്ള നടപടി ആരംഭിക്കുമെന്ന് പ്രമോദ് നാരായൺ എം.എൽ.എ. അറിയിച്ചു.
മൂന്ന് നിലകളുള്ള കെട്ടിടത്തിന്റെ സിവിൽ ജോലികൾക്ക് 4.86 കോടി രൂപയാണ് വകയിരുത്തിയിരിക്കുന്നത്. ശൗചാലയങ്ങൾക്കും ജലവിതരണത്തിനും 14. 24 ലക്ഷം, സെപ്റ്റിക് ടാങ്കിന് നാല് ലക്ഷം, മഴവെള്ള സംഭരണി അടക്കമുള്ളവയ്ക്ക് 32.27 ലക്ഷം, ചുറ്റുമതിലിന് 11.09 ലക്ഷം, വൈദ്യുതീകരണത്തിന് 36.30 ലക്ഷം, ലിഫ്റ്റിന് 32.62 ലക്ഷം, അഗ്നിശമനോപാധികൾക്ക് 29.09 ലക്ഷം എന്ന ക്രമത്തിലാണ് മറ്റിനങ്ങൾ.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 