കോട്ടയം ജില്ലയിൽ ബൈക്ക് മോഷണം നടത്തിവന്ന മൂന്നംഗസംഘം പോലീസ് പിടിയിൽ. തിരുവല്ല കാട്ടുക്കര പാലത്തിനുസമീപം മറ്റത്തായിൽ വീട്ടിൽ രാഹുൽമോൻ (28), തിരുവല്ല ചാത്തമല പ്ലാച്ചിക്കൽ വീട്ടിൽ ജസ്റ്റിൻ ബിജു (19), തിരുവല്ല കാട്ടുക്കാര പാലത്തിനു സമീപം തോട്ടുപുറത്ത് വടക്കേതിൽ വീട്ടിൽ വിഷ്ണു പ്രസാദ് (23) എന്നിവരാണ് അറസ്റ്റിലായത്. ചങ്ങനാശ്ശേരി പെരുന്നയിലുള്ള വീട്ടുമുറ്റത്തിരുന്ന മോട്ടോർസൈക്കിൾ രാത്രി മോഷണംപോയതിനെ തുടർന്നുള്ള അന്വേഷണത്തിനിടെയാണ് പ്രതികൾ പിടിയിലായത്.
പരാതിയെ തുടർന്ന് ചങ്ങനാശ്ശേരി പോലീസ് കേസ് രജിസ്റ്റർ ചെയ്യുകയും തുടർന്ന് നടത്തിയ ശാസ്ത്രീയമായ പരിശോധനയിലൂടെ മോഷ്ടാക്കളെ കണ്ടെത്തി പിടികൂടുകയായിരുന്നു. ചങ്ങനാശ്ശേരി സ്റ്റേഷൻ എസ്.എച്ച്. ഓ റിച്ചാർഡ് വർഗീസ്, എസ്.ഐ മാരായ ജയകൃഷ്ണൻ, പ്രസാദ്, എ.എസ്.ഐ രതീഷ്, സി.പി.ഓ മാരായ ഡെന്നി ചെറിയാൻ, തോമസ് സ്റ്റാൻലി, അതുൽ കെ.മുരളി എന്നിവർ ചേർന്നാണ് ഇവരെ അറസ്റ്റ് ചെയ്തത്. കോടതിയിൽ ഹാജരാക്കിയ മൂവരെയും റിമാൻഡ് ചെയ്തു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 