കേന്ദ്ര കാലാവസ്ഥാധിഷ്ഠിത വിള ഇൻഷുറൻസിൽ ഈ വർഷത്തെ അപേക്ഷകൾക്കായുള്ള അവസാന തീയതി ഏഴിന് വ്യാഴാഴ്ചവരെയാക്കി. 27 മുതൽ 31 വരെ ഒാണാവധിയായിരുന്നതിനാൽ കൂടുതൽ കർഷകർക്കും അപേക്ഷകൾ നൽകാൻ സാധിച്ചിരുന്നില്ല. കർഷക സംഘടനകൾ ബുദ്ധിമുട്ടുകൾ അറിയിച്ചതിനെത്തുടർന്നാണ് സർക്കാർ അവസാന തീയതി നീട്ടിയത്. വാഴ, തെങ്ങ്, പച്ചക്കറികൾ, കപ്പ, കുരുമുളക്, ഇഞ്ചി, റബ്ബർ, കശുമാവ്, കമുക് തുടങ്ങി 27 ഇനങ്ങൾക്കാണ് വിള ഇൻഷുറൻസ് ഏർപ്പെടുത്തിയിട്ടുള്ളത്. ജില്ലയിൽ മൊത്തം 16 ഇനങ്ങൾക്ക് അപേക്ഷകൾ നൽകാം.
ഇവയ്ക്ക് അടയ്ക്കേണ്ട തുക വിളകളിലെ വ്യത്യാസവും കൃഷിയിടങ്ങളുടെ വിസ്തീർണവും അനുസരിച്ചാണ് കണക്കാക്കുക. ഉദാഹരണം, നെല്ലിന് സെന്റിന് ഒരു രൂപ നിരക്കിലാണ് അടയ്ക്കേണ്ടത്. വാഴയ്ക്ക് ഒന്നിന് മൂന്നുരൂപ എന്ന നിരക്കിലാണുള്ളത്. ഇത്തരത്തിൽ എത്ര തുക കണക്കാക്കണം, എന്താണ് രജിസ്റ്റർചെയ്യാനുള്ള യോഗ്യത തുടങ്ങി വിള ഇൻഷുറൻസിനെപ്പറ്റിയുള്ള എല്ലാ വിവരങ്ങളും https://keralaagriculture.gov. In/en/cop-Insurance-schemes എന്ന വെബ്സൈറ്റിൽ ലഭ്യമാണ്.
അക്ഷയപോലുള്ള പൊതുജന സഹായ കേന്ദ്രങ്ങൾ വഴിയും കൃഷി ഓഫീസുകൾ വഴിയും അപേക്ഷിക്കാം.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 