പുന്നവേലി സെയ്ൻറ് ജെയിംസ് സി.എസ്.ഐ. ഇടവക വജ്രജൂബിലി ആഘോഷങ്ങൾ ജില്ലാ കളക്ടർ എ.ഷിബു ഉദ്ഘാടനം ചെയ്തു. സമൂഹത്തിലെ അശരണരെയും ആലംബഹീനരെയും കരുതുന്ന പ്രവർത്തനങ്ങൾക്ക് പ്രാധാന്യം നൽകുന്ന ജൂബിലി ആഘോഷ പദ്ധതികൾ അഭിനന്ദനാർഹമെന്ന് അദ്ദേഹം പറഞ്ഞു.
ഇടവകവികാരി റവ. ഷിബിൻ വർഗീസ് അധ്യക്ഷത വഹിച്ചു. ജൂബിലിസ്മാരക ഭവനദാനപദ്ധതി ഉദ്ഘാടനം സി.എസ്.ഐ. മധ്യകേരള മഹായിടവക ബിഷപ്പ് ഡോ.മലയിൽ സാബു കോശി ചെറിയാൻ നിർവഹിച്ചു.
വിദ്യാഭ്യാസ സഹായ വിതരണോദ്ഘാടനം ബിഷപ്പ് ഡോ. തോമസ് സാമുവലും വിവാഹ ധനസഹായ വിതരണോദ്ഘാടനം സാമൂഹിക പ്രവർത്തക ഡോ.എം.എസ്. സുനിലും നിർവഹിച്ചു.
കോട്ടയം നവജീവൻ ട്രസ്റ്റ് ഡയറക്ടർ പി.യു.തോമസ് ചികിത്സാസഹായ വിതരണം നടത്തി. മഹായിടവക ട്രഷറർ റവ.ജിജി ജോൺ ജേക്കബ്, അത്മായ സെക്രട്ടറി സ്റ്റീഫൻ ജെ. ഡാനിയേൽ, രജിസ്ട്രാർ ഷീബാ തരകൻ തുടങ്ങിയവർ പ്രസംഗിച്ചു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 