വിദേശത്ത് ജോലി ചെയ്യുന്ന ഭാര്യയെ ഭീഷണിപ്പെടുത്താനായി നാലു വയസ്സുകാരിയായ മകളുടെ കഴുത്തിൽ വടിവാൾ വെച്ച് വീഡിയോ കോൾ ചെയ്ത സംഭവത്തിൽ തിരുവല്ല സ്വദേശിയായ യുവാവിനെ തിരുവല്ല പൊലീസ് അറസ്റ്റ് ചെയ്തു. തിരുവല്ല കുറ്റൂർ സ്വദേശി ജിൻസൺ ബിജു(28)ആണ് അറസ്റ്റിലായത്.
വ്യാഴാഴ്ച രാത്രിയായിരുന്നു കേസിന് ആസ്‌പദമായ സംഭവം നടന്നത്. വിദേശത്ത് നേഴ്‌സ് ആയി ജോലി ചെയ്യുന്ന ഭാര്യയോട് പണം അവിശപ്പെട്ടിട്ടു നൽകാത്തതിന്റെ പേരിൽ ജിൻസൺ മകളുടെ കഴുത്തിൽ വടിവാൾ വെച്ച് ഭീഷണി മുഴക്കി വിഡിയോ കോൾ ചെയ്യുകയായിരുന്നു. കുട്ടിയുടെ വലത്തു വാരിയെല്ലിന് താഴെ വടിവാൾ കൊണ്ട് പോറൽ ഉണ്ടാക്കുകയും ചെയ്തു.
ഈ ദൃശ്യങ്ങൾ യുവതി മാതാപിതാക്കൾക്ക് അയച്ചു നൽകുകയും. തുടർന്ന് യുവതിയുടെ പിതാവ് പോലീസിൽ പരാതി നൽകുകയും ആയിരുന്നു. പരാതിയുടെ അടിസ്ഥാനത്തിൽ തിരുവല്ല പൊലീസ് ഇയാളെ വീട്ടിൽ നിന്നും അറസ്റ്റ് ചെയ്തു. പ്രതി ലഹരിക്ക് അടിമയാണെന്ന് സംശയിക്കുന്നതായി പൊലീസ് പറഞ്ഞു. പ്രതിയെ കോടതിയിൽ ഹാജരാക്കും.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 