തിരുവല്ല നിരണത്ത് സ്കൂൾ വിദ്യാർത്ഥികളുമായി പോയ ഓട്ടോറിക്ഷ നിയന്ത്രണം വിട്ട് കുഴിയിലേക്ക് മറിഞ്ഞു. പുളിക്കീഴ് പോലീസ് മദ്യ ലഹരിയിൽ ആയിരുന്ന ഓട്ടോ ഡ്രൈവറെ കസ്റ്റഡിയിൽ എടുത്തു. കടപ്ര ജംഗ്ഷനിലെ ഓട്ടോ ഡ്രൈവറായ നിരണം വെട്ടിയിൽ ലക്ഷ്മി വിലാസത്തിൽ അശോക് കുമാർ (48) നെയാണ് അറസ്റ്റ് ചെയ്തത്.
നിരണം വില്ലേജ് ഓഫീസിന് സമീപം ഇന്ന് വൈകിട്ട് നാലുമണിയോടെ ആയായിരുന്നു അപകടം. അപകടത്തിൽ പെട്ട ഓട്ടോറിക്ഷയിൽ ഉണ്ടായിരുന്ന വളഞ്ഞവട്ടം സ്റ്റെല്ലാ മേരീസ് സ്കൂളിലെ വിദ്യാർഥികൾ നിസാരപരികളോടെ രക്ഷപ്പെട്ടു. അപകട സ്ഥലത്തിന് സമീപം പെയിൻറിംഗ് നടത്തിയിരുന്ന യുവാക്കൾ ഓടിയെത്തി കുട്ടികളെ രക്ഷപ്പെടുത്തുകയായിരുന്നു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 