മല്ലപ്പള്ളി ബ്ലോക്ക് ക്ഷീരസംഗമം 26 ന് വായ്പ്പൂര് ചെറുതോട്ടുവഴി ക്ഷീരോത്പാദക സഹകരണ സംഘത്തിൻ്റെ ആതിഥേയത്തിൽ കുളത്തൂർ മൂഴി ദേവിക്ഷേത്രം ഓഡിറ്റോറിയത്തിൽ നടക്കും. രാവിലെ 7.30 ന് പതാക ഉയർത്തൽ. തുടർന്ന് നടക്കുന്ന കന്നുകാലി പ്രദർശനം ബ്ലോക്ക് പഞ്ചായത്ത് വൈസ് പ്രസിഡൻ്റ് ആനിരാജു ഉദ്ഘാടനം ചെയ്യും. ചെറുതോട്ടുവഴി ക്ഷീരോത്പാദക സഹകരണ സംഘം പ്രസിഡൻ്റ് എ.എസ്. ഉഷ ദേവി അധ്യക്ഷതവഹിക്കും.
തൽസമയ പ്രശ്നോത്തരി, ക്ഷീരവികസന സെമിനാർ, ക്ഷീരോത്പാദനത്തിൽ ഗുണനിലവാരത്തിൻ്റെ പ്രസക്തി, കന്നുകാലി രോഗങ്ങളും പ്രതിരോധ മാർഗങ്ങളും , കർഷക വായ്പ ബോധവത്ക്കരണം എന്നീ വിഷയങ്ങളിൽ വിവിധ ഉദ്യോഗസ്ഥൻ ക്ലാസ് നയിക്കും.
10.30 ന് നടക്കുന്ന ക്ഷീരസംഗമം പൊതു സമ്മേളനം പ്രമോദ് നാരായണൻ എം എൽ എ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡൻ്റ് ബിന്ദു ചന്ദ്ര മോഹൻ അധ്യക്ഷതവഹിക്കും. ആൻ്റോ ആൻ്റണി എം പി മുഖ്യ പ്രഭാഷണം നടത്തും. മാത്യൂ ടി. തോമസ് എം എൽ എ സമ്മാന ദാനവും, ആദരിക്കൽ ജില്ലാ പഞ്ചായത്ത് പ്രസിഡൻ്റ് രാജി രാജപ്പനും നിർവഹിക്കും.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 