മത്സരയോട്ടത്തിനിടെ സ്വകാര്യ ബസുകൾ കൂട്ടിയിടിച്ചു

തിരുവല്ലയിൽ നിന്ന് മല്ലപ്പള്ളിക്ക് വരികയായിരുന്ന രണ്ട് സ്വകാര്യ ബസുകൾ കൂട്ടിയിടിച്ചു. ഞായറാഴ്ച രാവിലെ 8.10 ന് മൂശാരിക്കവലയ്ക്ക് സമീപമായിരുന്നു അപകടം. മുന്നിലുണ്ടായിരുന്ന സ്കൂട്ടർ യാത്രികയുടെ ഹെൽമെറ്റ് താഴെ വീണപ്പോൾ അത് എടുക്കാൻ അവർ വണ്ടി നിർത്തി. ഇടിക്കാതിരിക്കാൻ തൊട്ട് പിന്നാലെ ഉണ്ടായിരുന്ന ബസും ബ്രേക്ക് ചെയ്തു. അതോടെ അതിന് പുറകെ വരുകയായിരുന്ന ബസ് മുന്നിലുള്ളതിന്റെ പിന്നിൽ ഇടിച്ചു. പിന്നിൽ ഉണ്ടായിരുന്ന ബസിന്റെ മുൻപിലെ ഗ്ലാസും മുൻ ഭാഗവും തകർന്നു. അപകടത്തിൽ ആർക്കും പരിക്കില്ല.