റാന്നി മാമുക്ക്‌ ജംക്ഷനില്‍ നിന്ന്‌ പട്ടാപ്പകല്‍ സ്കൂട്ടര് മോഷ്ടിച്ച യുവാവിനെ പൊലീസ്‌ അറസ്റ്റ്‌ ചെയ്തു. തടിയൂര്‍ ഓലിക്കല്‍ വിട്ടില്‍ ജിബി മാത്യുവിനെയാണ്‌ (37) റാന്നി പൊലീസ്‌ അറസ്റ്റ്‌ ചെയ്തത്‌. കോഴഞ്ചേരി ബസ്‌ സ്റ്റാന്‍ഡിനു സമീപം വച്ചിരുന്ന സ്കൂട്ടറും കണ്ടെടുത്തു.
വാഴമുട്ടം ഈസ്റ്റ്‌ വാലുപറമ്പില്‍ സിജോ രാജിന്റെ സ്‌കൂട്ടറാണ്‌ മോഷ്ടിച്ചത്‌. ചൊവ്വാഴ്ച രാവിലെ 10ന്‌ ആയിരുന്നു സംഭവം. ഇന്‍ഡസ്‌ മോട്ടേഴ്‌സിന്റെ സര്‍വീസ്‌ സ്‌റ്റേഷനിലെ ജീവനക്കാരനാണ്‌ സിജോ. സര്‍വീസ്‌ സ്റ്റേഷന്റെ യാഡിലെ ഷെഡില്‍ വച്ചിരുന്ന സ്‌കൂട്ടറാണ്‌ മോഷ്ടിച്ചത്‌. സിസിടിവി ജിബി മാത്യു ദൃശ്യങ്ങള്‍ പരിശോധിച്ചാണ്‌ ജിബിയെ കുടുക്കിയത്‌.
ഇന്‍സ്പെക്ടര്‍ എം.ആര്‍.സുരേഷിന്റെ നേതൃത്വത്തില്‍ എസ്‌ഐ ആര്‍.ശരീകുമാര്‍, സിപിഒമാരായ അജാസ്‌, സുനില്‍ എന്നിവരാണ്‌ അന്വേഷണം നടത്തിയത്‌.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 