മല്ലപ്പള്ളി ബ്ലോക്ക് പഞ്ചായത്ത് കേരളോത്സവം ബ്ലോക്ക് പഞ്ചായത്ത് ഹാളിൽ പ്രസിഡന്റ് ബിന്ദു ചന്ദ്രമോഹൻ ഉദ്ഘാടനം ചെയ്തു. വൈസ് പ്രസിഡന്റ് ആനി രാജു അധ്യക്ഷയായി. സ്ഥിരം സമിതി അധ്യക്ഷൻമാരായ അഡ്വ. പ്രകാശ് ചരളേൽ, സി എൻ മോഹനൻ, ജ്ഞാനമണി മോഹനൻ, ബ്ലോക്ക് പഞ്ചായത്ത് അംഗങ്ങളായ ബാബു കൂടത്തിൽ, ലൈലാ അലക്സാണ്ടർ, റിമി ലിറ്റി കൈപ്പള്ളിൽ, സുധി കുമാര്‍, ഈപ്പൻ വറുഗീസ്, സിന്ധു സുബാഷ് കുമാർ, അമ്പിളി പ്രസാദ്, ജോസഫ് ജോൺ, യൂത്ത് കോര്‍ഡിനേറ്റര്‍മാരായ ആല്‍ഫിന്‍ ഡാനി, എബിന്‍ വര്‍ഗീസ് ബ്ലോക്ക് പഞ്ചായത്ത് സെക്രട്ടറി വി രഞ്ജിത് എന്നിവർ സംസാരിച്ചു.
അയ്റാസ് സ്പോർട്സ് ഹബ്ബ് മൈലാടി, സെൻ്റ് ജോൺസ് എച്ച്എസ്എസ് ഇരവിപേരൂർ, സി എം എസ് എച്ച് എസ് എസ് മല്ലപ്പള്ളി, മുരണി വായനശാല ജംഗ്ഷൻ, ഹൈലാൻഡേഴ്സ് ക്ലബ്ബ് സ്റ്റേഡിയം കീഴ് വായ്പൂര്, ഐ കെ എം സിഎംഎസ് എൽപി സ്കൂൾ മല്ലപ്പള്ളി, ബിഎഎം കോളെജ് തുരുത്തിക്കാട്, ബ്ലോക്ക് പഞ്ചായത്ത് ഹാൾ എന്നിവിടങ്ങളിലായി നടന്നു വരുന്ന കലാ കായിക മൽസരങ്ങൾ നാളെ വൈകിട്ട് സമാപിക്കും.
സമാപന സമ്മേളന ഉദ്ഘാടനവും അവാർഡ് വിതരണവും അഡ്വ. മാത്യു ടി തോമസ് എംഎല്‍എ നിർവ്വഹിക്കും. ഏറ്റവും കൂടുതൽ പോയിന്റുകൾ വാങ്ങിയ ഗ്രാമ പഞ്ചായത്തിനുള്ള ട്രോഫി ജില്ലാ പഞ്ചായത്ത് പ്രസിഡൻറ് രാജി പി രാജപ്പൻ വിതരണം ചെയ്യും.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 