മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റായി ഒന്നാംവാർഡ് അംഗം മാത്യു (ബാബു കൂടത്തിൽ) തിരഞ്ഞെടുക്കപ്പെട്ടു. യുഡിഎഫിലെ പ്രകാശ് ചരളേലിനെ അഞ്ചിനെതിരെ 8 വോട്ടുകൾ നേടിയാണു ബാബു കൂടത്തിൽ തിരഞ്ഞെടുക്കപ്പെട്ടത്‌.
ജനതാദൾ സെക്യൂലർ നിയോജകമണ്ഡലം സീനിയർ വൈസ് പ്രസിഡന്റും കുന്നന്താനം പഞ്ചായത്ത് കമ്മിറ്റി പ്രസിഡന്റുമാണ്. നിലവിലുള്ള പ്രസിഡന്റ് ബിന്ദു ചന്ദ്രമോഹൻ മുൻ ധാരണ പ്രകാരം രാജിവെച്ച ഒഴിവിലേക്കാണ് തിരഞ്ഞെടുപ്പ് നടന്നത്.
മാത്യുവിന്റെ പേര് ബിന്ദുചന്ദ്രമോഹൻ നിർദേശിച്ചു. റിമിലിറ്റി കൈപ്പള്ളിൽ പിന്താങ്ങി. യു.ഡി.എഫിലെ അഡ്വ. പ്രകാശ് ചരളേന്റെ (കോൺഗ്രസ്) പേര് ലൈലാ അലക്‌സാണ്ടർ നിർദേശിച്ചു. ജ്ഞാനമണി മോഹൻ പിന്താങ്ങി. മാത്യൂവിന് എട്ടും പ്രകാശിന് അഞ്ചും വോട്ടുകിട്ടി. സഹകരണ ജോയിന്റ് ഡയറക്ടർ (ഓഡിറ്റ്) പി.പി.സലിം വരണാധികാരിയായിരുന്നു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 