ആനിക്കാട് പുളിക്കാമലയിൽ പഞ്ചായത്ത് കിണറ്റിൽവീണ 76-കാരിയെ തിരുവല്ലയിൽ നിന്നെത്തിയ അഗ്നിരക്ഷാസേന രക്ഷിച്ചു. ചൊവ്വാഴ്ച രാവിലെ ആറരയോടെ ആനിക്കാട് പഞ്ചായത്ത് ഒൻപതാം വാർഡ് പുളിക്കാമല രാജീവ് ഗാന്ധി കോളനിയിൽ സരസമ്മ ആണ് പഞ്ചായത്ത് കിണറ്റിൽ അകപ്പെട്ടത്. നാട്ടുകാർ വിവരമറിയിച്ചതിനെ തുടർന്ന് സംഭവസ്ഥലത്ത് എത്തിയ അഗ്നിരക്ഷാസേന കിണറ്റിൽ ഇറങ്ങി രക്ഷപ്പെടുത്തുകയായിരുന്നു.
അഗ്നിരക്ഷാസേനയുടെ നെറ്റിനുള്ളിൽ ആക്കി പുറത്തെത്തിച്ച സരസമ്മയെ കോട്ടയം മെഡിക്കൽ കോളേജിൽ ചിത്സയിലാണ്. സീനിയർ റെസ്ക്യൂ ഓഫീസർ അജിത് കുമാറിന്റെ നേതൃത്വത്തിൽ സുധീഷ്, വർഗീസ് ഫിലിപ്പ്, പ്രദീപ്, സജിമോൻ എന്നിവരാണ് രക്ഷാപ്രവർത്തനത്തിൽ പങ്കെടുത്തത്. പഞ്ചായത്ത് അംഗം വിജയലക്ഷ്മിയും എത്തിയിരുന്നു.
വാട്സാപ്പ് ചാനൽ സബ്സ്ക്രൈബ് ചെയ്യുക. 
ടെലഗ്രാം ചാനൽ സബ്സ്ക്രൈബ് ചെയ്യുക. 